मलाई मेरो पेसा-धर्म बिर्सी भन्छ अराजक
देशको माया खुम्च्याएर एक्ली भन्छ अराजक।
तल्लो जात तेरो मेरो माथि भनी झुक्याउँछ
भाई जुधाई मुख मिठ्ठ्याउँछ मौका छोप्छ आराजक।
'यो तेरो,एती तेरो',भागहरु जन्माउँछ
मौका पाउँछ,खुसुखुसु बेचिदिन्छ अराजक।
सिमा कोर्छ,आमालाई सन्तान छान्न तर्साउँछ
धुर्त,बुद्दीलाई हृदयको बैरी बनाउँछ अराजक।
अधिकारको डन्क फुक्छ,समान्ताको पाठ फलाक्छ
निमुखालाई तेर्साएर खाने सोच्छ अराजक।
बजारु छ,हरेक रात नैतीकताको गफ लडाउँछ
गरीबको गाँस खोस्छ कुबेर बन्छ अराजक।
©Shashi Raj Pandey
No comments:
Post a Comment